誰是有嘢講的人

豬今日提議我轉公司，話有朋友喺其他公司度做，轉做公司生意唔做散客。但問佢咩公司佢話無指明，我話依家呢度都可以做公司生意，佢又話個基數唔同，果啲做大啲。聽唔明，再問佢就燥底，叫我放過人，唔好吓吓都要問，叫我唔好再講落去。

通常呢啲位就最好靜靜地，唔好自high講吓笑話，唔係豬又嫌我嘈。於是我靜靜地，放空吓，又畀空間等豬回氣。。。

之後豬問我係咪有嘢想講，我話唔係，佢問有嘢想講就講啦，我話唔係，然後豬再問。。。 我話唔信我就唔好問喇，豬話通常你咁樣都係有嘢想講架喇。
我話你可唔可以唔好gut人？真係無嘢講喇，拜拜。
豬嘆一口氣，話"咁就大鑊喇，你實有排講，你講啦。"

信任

有時候好羨慕豬豬家的相處.
有次同豬豬媽傾偈,講起去camp. 豬豬媽話果陣佢婆婆好唔鍾意,重有唔知邊個長輩鬧佢,不過佢媽媽畀. 我覺得好奇怪, 問佢點解會咁, 反而媽媽又畀嘅(通常疏啲就唔鬼理你,親嘅又唔畀你做乜做物), 豬豬媽好理所當然咁話"一家人講信任架嘛".
信任... 似乎係我屋企度唔存在, 好簡單咁細個我唔洗得碗, 會成對手紅曬發熱, 屋企無人信我, 話邊會敏感, 邊個煮邊個洗. 有時媽媽都會話如果敏感就算啦, 之後家姐又嘈, 話佢洗都無事點解我又會有事呢?
剛剛食完飯, 家姐叫我洗左自己啲碗先, 佢自己洗自己果啲. 洗完咁啱媽媽喺嫲嫲家返嚟, 家姐就坐定定唔郁, 媽媽就怪我淨係洗一半, 然後佢就唔出聲咁洗埋果一半. 我覺得畀人跣左一鑊.

第一次分隔這麼久……

平日再忙，跟豬豬一星期最少可見一次，有時候豬豬還會故意調整時間表，原以為各有各忙那星期只能見一次，結果最少見了兩次，甚至調到隔天見一次！可是呢，這星期真的真的排不過來……　本來說好了星期日見面，可是遇上小豬睡眠時間大亂，我又約了好友吃晚飯，昨晚臨時決定今天「大概」不會見面，改為星期一與他的好友、堂哥來個四人聚會。結果早上收到豬豬傳來「生病了」的短訊，所以最終各自在家裡休息。

豬豬說大概昨晚天氣涼，衣服沒穿夠。

想念豬豬的抱，想念豬豬的床。豬豬要多喝水多休息，快點好起來。想你，愛你，豬豬。

習慣

習慣了走在豬豬身邊, 右手便會自然地微微向上伸出, 讓豬豬牽, 眼尾也不會看看豬. 有時豬豬會故意不牽我, 讓我呆呆伸手一會才轉動目光去找他的 .\_/. 然後豬豬笑我這樣老定覺得他一定看到, 一定會牽我.
但真的習慣了嘛~ 有時從便利店走出來, 豬豬放好銀包, 我又會默默伸出手來等豬牽, 或是路上有障礙物, 我也是照樣過了障礙物便伸山手來. 有豬在讓我好安心, 牽你手, 抱著你, 睡在你身旁, 就會很快樂. 不用去猜疑一段關係, 只需要全心全意愛你. 我愛你, 小豬豬.

豬豬味

豬豬的香水用光了, 碰上這陣子不順心, 大概他也沒這心思補貨. 於是, 路過C店都會去碰碰運氣, 看看有沒有他慣用的香水.
結果昨天終於找到了! 雖然有點不確定名字, 但還是決定相信自己><
豬豬知道了很高興, 也說我沒挑錯味道~ 不過豬豬這天沒帶公事包~ 所以叫我改天拿給他.

所以它跟著我回家了~ 嘻嘻, 看著看著, 心思思想噴一噴, 要豬豬味陪我睡一覺香甜的~ 嘻嘻~ 我愛你, 豬豬.

貨不對辦...?

話說同豬豬一齊之前, 豬豬曾經借頭借路問我食飯鍾意食軟定硬, 當佢知道我鍾意食軟之後, 就話雖然佢鍾意食硬飯, 但為咗我, 就煮一世稔飯畀我食. 因為呢句說話, 令我察覺到同豬豬嘅關係應該唔係朋友咁簡單, 胡思亂想幾日, 最後直接問(拒絕?)豬豬, 間接促成我哋一齊 =P
點知一齊左成年, 豬豬一次都無煮過稔飯我食, 仲聲大大咁話佢淨係鍾意食硬飯... ... 真係有種貨不對辦嘅感覺... ...

(當然我一直都無嬲過啦, 特別係知道豬豬食稔飯後會胃痛, 就更加唔敢要求食稔飯喇... ... 只係好喜歡用來取笑豬豬, 話佢用花言巧語嚟呃我氹我一齊, 嘻嘻)

最近同豬豬媽食飯, 豬豬又煮左硬飯, 食開豬豬爸煮稔飯嘅豬豬媽, 自然食唔慣. 期間豬豬媽講起啲飯太硬, 於是我又撒下嬌咁同豬豬媽投訴, 我都覺得啲飯太硬了. 唔知係咪呢件事入左豬豬心度, 剛剛星期日晚豬豬下廚, 少有哋叫我"抄"飯, 又叫我裝飯. 我本來寫緊豬豬日記嘛, 所以無為意有乜特別....直到食飯時, 豬豬終於忍唔住, 問我覺唔覺啲飯比平時稔.
稔???????唔敢相信自己對耳仔, 豬豬煮稔飯? 果下又開心又內疚, 怕豬豬半夜會胃痛, 但豬豬記得我啲口味, 又真係好開心...
好啦, 以後我會話"又話煮一世稔飯我食, 結果都係煮過一次咋, 咁就呃左我成世啦" XDDD

飯後豬豬重猛讚我, 我忍唔住同豬豬講, 佢唯一最BAD TASTE係揀左我, 結果豬豬抱住我唱情歌, 話係其他人唔識欣賞我... ...

多謝你再細碎嘅事都會用心記住, 好愛好愛你 豬

豬豬家的新櫃新餐椅

話說前陣子豬豬爸豬豬媽挑好了電視櫃, 準備更換電視和電視櫃. 新傢俬送來當天(也就是前天), 豬豬傳了櫃子的相片給我, 又說家人還買了新電腦椅一張和餐椅三張. 當時我本來想取笑豬豬說家人沒預我喔. 後來又想, 畢竟原本電腦桌本來擺了一張餐椅, 現在買了一張專用椅, 就省了張餐椅嘛~ 再者, 我又不是長居豬豬家, 多買一張就有點誇張了.

到了今天下課後, 來到豬豬家玩, 一見到豬就把事情忘光, 直到吃晚飯要清理餐桌, 我. 才. 發. 現. 豬. 豬. 家. 添. 了. 四. 張. 餐. 椅. !!!!! 我馬上跟豬豬說, 豬豬還不信, 在飯廳認認真真地數一遍XD 是四張餐椅哦~ 豬豬說我樣子好沾沾, 嘻. 豬豬家好貼心, 讓我有專用拖鞋, 專用杯子, 現在留了一張餐椅~~~ (雖說婆婆和其他親友都會上來豬豬家, 不過人家就要這樣想~ 嘻嘻)

豬豬, 愛你