貨不對辦...?

話說同豬豬一齊之前, 豬豬曾經借頭借路問我食飯鍾意食軟定硬, 當佢知道我鍾意食軟之後, 就話雖然佢鍾意食硬飯, 但為咗我, 就煮一世稔飯畀我食. 因為呢句說話, 令我察覺到同豬豬嘅關係應該唔係朋友咁簡單, 胡思亂想幾日, 最後直接問(拒絕?)豬豬, 間接促成我哋一齊 =P
點知一齊左成年, 豬豬一次都無煮過稔飯我食, 仲聲大大咁話佢淨係鍾意食硬飯... ... 真係有種貨不對辦嘅感覺... ...

(當然我一直都無嬲過啦, 特別係知道豬豬食稔飯後會胃痛, 就更加唔敢要求食稔飯喇... ... 只係好喜歡用來取笑豬豬, 話佢用花言巧語嚟呃我氹我一齊, 嘻嘻)

最近同豬豬媽食飯, 豬豬又煮左硬飯, 食開豬豬爸煮稔飯嘅豬豬媽, 自然食唔慣. 期間豬豬媽講起啲飯太硬, 於是我又撒下嬌咁同豬豬媽投訴, 我都覺得啲飯太硬了. 唔知係咪呢件事入左豬豬心度, 剛剛星期日晚豬豬下廚, 少有哋叫我"抄"飯, 又叫我裝飯. 我本來寫緊豬豬日記嘛, 所以無為意有乜特別....直到食飯時, 豬豬終於忍唔住, 問我覺唔覺啲飯比平時稔.
稔???????唔敢相信自己對耳仔, 豬豬煮稔飯? 果下又開心又內疚, 怕豬豬半夜會胃痛, 但豬豬記得我啲口味, 又真係好開心...
好啦, 以後我會話"又話煮一世稔飯我食, 結果都係煮過一次咋, 咁就呃左我成世啦" XDDD

飯後豬豬重猛讚我, 我忍唔住同豬豬講, 佢唯一最BAD TASTE係揀左我, 結果豬豬抱住我唱情歌, 話係其他人唔識欣賞我... ...

多謝你再細碎嘅事都會用心記住, 好愛好愛你 豬

豬豬家的新櫃新餐椅

話說前陣子豬豬爸豬豬媽挑好了電視櫃, 準備更換電視和電視櫃. 新傢俬送來當天(也就是前天), 豬豬傳了櫃子的相片給我, 又說家人還買了新電腦椅一張和餐椅三張. 當時我本來想取笑豬豬說家人沒預我喔. 後來又想, 畢竟原本電腦桌本來擺了一張餐椅, 現在買了一張專用椅, 就省了張餐椅嘛~ 再者, 我又不是長居豬豬家, 多買一張就有點誇張了.

到了今天下課後, 來到豬豬家玩, 一見到豬就把事情忘光, 直到吃晚飯要清理餐桌, 我. 才. 發. 現. 豬. 豬. 家. 添. 了. 四. 張. 餐. 椅. !!!!! 我馬上跟豬豬說, 豬豬還不信, 在飯廳認認真真地數一遍XD 是四張餐椅哦~ 豬豬說我樣子好沾沾, 嘻. 豬豬家好貼心, 讓我有專用拖鞋, 專用杯子, 現在留了一張餐椅~~~ (雖說婆婆和其他親友都會上來豬豬家, 不過人家就要這樣想~ 嘻嘻)

豬豬, 愛你

豬豬牙痛

尋晚
豬豬: 豬, 今日隻牙無咁痛喇
我: (高興)真架?點解嘅? (在想豬豬是不是喝了什麼降牙火的湯水)
豬豬: 我聽你話無再咬啲牙喇
我: ... ...

即係豬仔前日聽到我咁講, 都仲有咬口.....(哭笑不得
不過沒那麼痛就好, 好快可以睇醫生喇!然後好快就有轉介信喇!
愛你,豬豬

托米仔

尋日係屋企人生日~ 於是唔可以留低同豬豬食晚飯~ 不過我又口痕想食雪糕, 於是豬豬就早啲帶我出去, 順便送我搭車.
出門口之前, 豬豬爸叫豬豬買米, 於是!!!!新加一項活動XD
豬豬要買八公斤米哦~ 很重很重的, 不過看到豬豬托米, 心裡很温暖很踏實, 有點像買米回我倆的家~ 在我興奮地偷拍豬豬托米之後...

我: 豬豬, 咁樣好温馨呀~~~~~~
豬: =.= .........
我: 雖然我知袋米好重, 你托得好辛苦~
豬: .\ /. 你都知重呢! 你試下托丫, 我都會覺得好温馨架!!!

XDDD 豬~ 你好可愛呀!

之後請豬豬食雪糕, 挑口味時故意選了豬豬想試的口味~ 豬豬發現了之後, 就一聲不響地咬了一口~ 嘻嘻, 這就是默契嗎?
愛你^^

豬豬下廚心法~

今日係第二次跟豬豬教我的方法, 去煮蕃茄醬汁~~ 上一次大概是忘了下半碗水, 所以很快就煮乾了, 醬有點不夠. 這次用了兩大兩小的蕃茄, 加了一點水, 煮了十五分鐘就變成糊, 好多好多的蕃茄糊~ 然後煮了烏冬和蕎麥麵來拌醬吃~ 還有露荀和菠菜~ 全都是我愛吃的^^
p.s.每次煮蕃茄都會忘記下鹽.... -.-

和豬豬的二三事 之 七

有一段時間豬豬迷上了吃all day breakfast

好像是請表妹吃飯時，豬豬挑了吃all day breakdast，然後~~~~~大概是勾起豬豬的英國心，所以瘋狂迷上了。豬豬不光帶我去了幾家全天吃早餐的餐廳，有時候隨意到餐廳吃飯，看到有all day breakfast時，豬豬雙眼還是會發光，豬還是會掙扎一下然後點早餐吃，嘻

出外吃過數次之後，某天豬豬提議自己煮。於是我們手拉著手到超市買材料做早餐~~~~~

我們買了芝士碎，又挑選了沒嚐過的豬肉腸，還買了片裝的莎樂美腸 *w* 回到家後，發現雪櫃裡還有上次買的急凍薯片，於是豬豬也順道煎來吃。腸是簡單地煎，蛋液混了芝士碎，又下了莎樂美腸，煮成甜美多汁的炒蛋。

急凍薯餅方面，我和姐姐都好懶，在家只吃焗爐烤過的薯餅，省去洗鍋子的時間（掩臉）。上次去豬豬家，豬豬認為微波爐也可以烘出好吃的薯餅，結果嘛~局部焦脆，其他都是軟軟的。這次豬豬反正也得開鍋子，就煎了薯餅來吃，是我頭一回吃煎的！這個比烤的更好吃，上面雖然放了炒蛋，但薯餅吸收蛋液後還是脆脆的~~

芝士炒蛋是非常非常好吃，我認為比首圖那家更好吃！只是莎樂美腸有點太厚太鹹了~ 可以剔去也沒關係(也可能是我習慣夾三文治或薄切冷吃)

至於價錢方面~~~相當有驚喜，幾乎比外面便宜一半啦。（重點是更好吃！嘻）

有時覺得豬豬的廚藝也太好了，看他做飯根本是色香味的享受 <3 （連煮飯時也很帥哦>////<　好喜歡側拍豬）

寫於7月22日

結果那天之後，豬豬有一段時間好像比較少主動出外吃全天早餐，也許是吃膩了，也許是價錢不夠合理

不過到外面吃飯時，如果意外看到全日早餐豬豬還是會點的，好可愛^^
（有時會想起剛認識豬豬時，他強調自己可以連續一整個月吃同一款叉燒飯）

嘻嘻，做隻專一的豬也不錯。愛你^^

補於10月21日凌晨

唔阻你砌模型囉 (﹁ ﹁ )

有時會向豬豬使出「伸手牌」：

(當時豬在專心砌模型)
我：乜文人會有佢地唔擅寫既文體架？你諗唔諗到邊個人樣樣文體都寫得好架？
豬：你問邊個時期既人先？
我：umm.... 古人囉
豬：哦，有架，現代散文咪唔識寫囉

一周年回顧

因為一周年的關係, 我禁不住一直回想一年來發生的事: 相識, 愛上, 走開, 然後發現你一直沒放手, 拍拖, 一起學習相處... ... 感覺是二人三足, 真實的二人三足. 兩個人相處時, 好容易感到對方的節奏與自己不一, 看到自己和對方綁在一起的腿有多遷就對方, 就是沒想過對方兩條腿一直努力遷就你.
就拿一件小事為例, 我乘巴士會暈車, 你卻討厭乘地鐵, 於是不知不覺有了默契, 多數時間我遷就你乘巴士, 你讓出肩膊給我靠著睡, 於是你不用乘地鐵, 我乘巴士時也減少了暈車的機會. 聽上去好像理所當然, 但其實豬豬的肩膊再厚實, 被一顆腦袋靠著睡個多小時, 還是會累呀, 又沒法睡好. 豬豬最初都在默默忍受, 直到有次我發現了, 於是形式又改變了一點: 要是巴士座位是比較舒適那種, 我一個靠後睡, 加上慢慢適應了巴士搖搖晃晃的行車狀態, 還是可以的. 有時候, 你也會主動陪我搭地鐵, 嘻.
還有更多時間我耍笨, 做事慢吞吞, 鬧脾氣等等, 你都在遷就我. 你不吃海鮮, 不吃魚, 儘管每次我吃魚時都會板起臉說吃了當天就不會親我, 結果還是不算數(羞
二人三足走了一年, 謝謝你的一切. 為了走更遠的路, 特別在我只顧自己的時候, 請提醒提醒我. 愛你, 豬豬.

兩個半邊仔~

最近因為姐姐拍拖了的關係, 加上他男朋友送了個攪拌機的關係, 我跟豬豬常拿他開玩笑, 也間接促進我倆姐妹的交流. 昨晚問姐姐, 他男朋友多少歲, 又拿了照片來看. 他男朋友樣子比我想像中要胖, 但我姐說是臉胖人不胖. 然後跟豬豬同齡~ 呵呵.

後來聊到我媽對女婿的期望, 和婚前不許做的事~ 原來姐姐也被禁止婚前外遊-.- ..... 之後提到要是爸媽不喜歡, 要我們換畫怎麼辦, 我就說, 哈哈, "佢又唔諗下自己個女揾到個正常男朋友已經好好, 再換佢個女都無可能揾到個更好嘅. 而且, 豬豬竟然滿足到我由細到大對dream man嘅條件(無心咁諗下諗下咋, 點估到真係存在呢?), 我真係唔會放手囉, 係佢架喇!" 然後姐姐嬌羞地笑著說, "咦, 我果個都係" XDDDD

姐姐提到那位男朋友多年前已計畫將來, 有點積蓄, 但一定要先買樓才結婚, 不希望婚後沒法同住.
我很興奮的跟姐姐說, 好呀, 你快啲結, 咁我就唔使咁大陣仗喇!
他無奈地說, 即係我使左, 你就可以慳啲錢呀?
我笑一笑說, 又唔好咁講.....其實, 都係架XDDDD

對話 二

(有時候懶得寫blog, 其中一個原因係怕改名.... 寫定先.... 又會唔記得, 最後沈到底...)

豬豬最近夢到舊老世和以前圈子的朋友, 曾經輕輕帶過, 不知怎的隔了兩天又重提此事.
豬: 其實果個女仔朋友, 就是我第四個. 不過我哋無正式一齊, 手都無掂過.
我: 下? 你帶佢返屋企食魚果個喎? 無一齊架?
豬: 果陣佢有男朋友架.
我: 下? 你會做呢啲嘢架?
豬: 所以咪無一齊囉, 係有好感, 但大家都唔想多一事.
我: 但你帶佢返屋企食魚喎. (因為第一晚見豬豬爸豬豬媽, 係同豬豬媽食魚的, 所以有點在意~ *醋埕* ) 連表妹都記得佢喎... ...
豬: 其實大家都知道只係聚會嘅藉口嚟嘅....
我: 但你話auntie好喜歡佢架喎... ... (始終唔相信咁簡單... 就可以佔有豬豬一個位置... 又, 豬豬媽未見我之前, 聽到豬豬同佢認知嘅之前果位分左手, 豬豬媽有啲唔開心 *醋埕again* )
豬: 你放心啦, 你auntie明顯鍾意你多好多.
我: 咁點解你又計佢第四個呀....
豬: 歷史上佢真係存在過嘛~
我: 咁第五個呢? (其實想講第5.5個)
豬: 唔好提佢啦好嘛, 都係港女嚟之嘛... ...
我: 啊, 係第5.5個呀~ 佢又係點架? (點解呢個追過但無一齊又唔計, 第四個又計喎... 同第四個... 好似好多故仔咁呀 >< )
豬: 之後發現佢太煩, 好彩無一齊到呀.
(一段時間之後)
豬: 你auntie同我傾過, 話覺得第四個太elegant, 唔啱我.
我: 你會同豬豬媽傾呢啲嘢架? 好温馨呀~
豬: 其實佢係我阿娘嚟嘅, 我唔識錫佢啫, 佢都瞭解我架嘛. 根據佢嘅講法, 女朋友唔畀我激到嘔血都好好了.
我: 嘩, 咁我咪好叻囉? 我仲未嘔血喎.
豬: 弊在激到我嘔血呢! 所以都好肯定我無欠佢哋, ,但就欠左你~

嘻嘻, 豬豬~ 盡了所能記低呢段對話~ 好可愛 <3
雖然仍然會醋埕一下, 但唔會嬲, 唔會因為咁而畀臉色你睇~ 雖然對話睇嚟... ... 麻煩又多嘢問, 樣樣都管咁, 不過你都知我得個問字架啦, 對你過去的事很好奇~ 不過, 最記得你同我講, "佢哋係過去式, 最重要得你先係現在式", 冧到爆~~~
愛你, 豬豬.

os: 點解你會知既? 之二 (又名: 點可能唔知xddd)

有次豬豬聊起強迫症, 好像是閱報得知不同類型的症狀, 於是我詐詐諦咁搭下咀.
我: 係囉, 又好似豬豬咁, 飯同菜要分開先食, 擺埋一碟就掂都唔掂啲菜. 汁又要少啲, 最好唔好掂到啲飯.
豬: 下? 你點解會知既?

豬豬, 係你太明顯喇XDDD 同左你一齊差唔多一年, 無可能唔知囉^^

又, 今日食飯時忽然想起, 同女同學開心share, 佢哋笑說應該答你"係你手法唔夠高明", 嘻嘻.

很喜歡你有這些小動作, 小習慣. 你辦事能力高, 人聰明, 學識淵博, 若果沒有這些有點笨拙的小動作, 就會完美得太有距離感了. 加上你的童心, 就變得魅力又可愛~~~ 我愛你, 豬豬.
*從反方向的角度而言, 你真的不完美得很完美~ 嘻

八月二十一日的對話

豬豬：

行內叫做陣營防衛，例子係(消音，遊戲名)

不過今次啲嘢可以移位,可以合成

我：

咁我今晚試下先

(消音，漫畫名), 好好睇! 你今晚都盻丫

睇*

豬豬：

好

豬豬：

啊

尋晚玩咗一轉，頭先首抽，抽到三隻垃圾，又要由頭玩過了

叫埋騰鋒一齊玩啦

我：

一星期後你仲玩我先撩佢玩xdddd

豬豬：

仲玩呀，成公司都玩，唔玩冇話題，好撚大

OK 呢件事好中學，我知

OK，你講嘅說話同以前我撩Michael佢地玩Online Game時佢地嘅反應係一樣...

我：

XDDDDDD 呵呵~ 是咪表示我好了解你?

有分別架, 係我講完都會陪你玩^^

豬豬：

愛妳

我：

愛你

今天值得記下

這陣子豬豬因為工作關係, 承受了不少壓力, 情緒好容易變得低落. 我看著他, 不知所措, 只好盡力陪伴他, 聽他訴苦. 昨天, 豬豬看了醫生, 醫生更開了鎮靜劑給他. 我知道這種藥不好, 但相信醫生的判斷, 就提醒豬豬盡量别吃, 即使要吃也不要吃太多, 擔心豬豬吃壞了, 擔心豬豬可愛的頭腦被藥弄壞:( 不過也不敢說太多負面的說話, 怕激起豬豬的負面情緒, 也怕豬豬已到了非吃藥不可的程度.
晚上, 豬豬睡不著, 說吃了藥還是無法入睡, 打給我聊了一會. 其實那時我在想, 到底是什麼工作, 值得豬豬吃著藥去硬撐? 或者我很自私, 我真的覺得, 要是豬豬沒法轉換心情去面對, 我情願他辭職. 到了今早, 豬豬說還是想辭職, 當下真的放鬆了--雖然, 這絕不像豬豬的作風.
後來很神奇的, 下班後, 本來豬豬還是好灰好灰, 然後隔了十分鐘, 再打電話給我, 豬豬突然變回那個心情愉快, 講野衰衰的可愛豬 <3 據豬豬的說法, 是藥力過了, 再喝罐可樂, 抽根煙, 思緒就回來了!
豬豬還想到方法多儲點錢~ 雖然要犧牲一下周末的小假期. 我愛你, 小豬豬. 希望這鼓正能量能撐到年底, 撐到年底就夠用喇^^

bye, my last(?) summer holiday!

好耐無update過呢度喇!

就快開學了, 新時間表十分爛, 基本上一至日都要返學, 連拍拖既時間都冇! 最初度時間表之際, 以為豬豬會扭計, 唔畀我reg星期六既科.. 不過豬豬反而好成熟咁同我講, 無理由阻住我畢業. 然後到我確確實實reg了科, 一天一天地倒數開課日, 我愈來愈不捨得:( 一想到半年時間沒法每個周末到豬豬家碌碌碌, 任攬豬豬, 嗲匀豬豬一家... ... 就好唔開心:(
其實拍拖快一年, 我一直都覺得豬豬好痴身... 仲痴身過我... 直到今次... 豬豬問我如果出trip會點, 我話實變望夫石! 豬就笑我, 大概一早已在機場等接機: 當啲人見一班又一班機降落, 而我仍然等緊, 問我要等的人幾時落機, 係咪delay, 我會答"兩日後"
豬豬叫我專心讀書, 放假就見見面, 唔使諗得咁灰...

(咦, review 呢種心情時, 我突然察覺自己... 最近好有霸地盤的舉動, 可能係源於擔心太耐唔見, 豬豬會習慣無我係身邊.... :( :( :( 

不過... 開學嘛, 中秋嘛, 就想起上年係中秋節前夕識左豬豬, 正日仲一邊落妝一邊同豬講電話~ 嘻
愛你, 豬豬. 要乖哦><

吵

同豬豬鬧交, 拉鋸之際, 豬豬忽然問我: 咁你係咪唔再愛我喇?
我個心即刻離一離, 忍唔住喊左出嚟, 同豬豬講: 我係嬲左你, 但依然咁愛你, 唔影響架, 一啲都無改變過.

雖然, 真心覺得呢個situation 要變下. 固然你扭我計係出於愛我, 但我唔忍心, 最後變卦早啲走, 又何嘗唔係出於愛你先會心軟呢... ... 況且, 今次約朋友時, 本來就決定左, 今次約得成就要堅持堅持堅持! 唔可以畀豬豬扭下就心軟! 佢實話扭下之嘛, 一定要堅持!
結果最後都心軟左, 唔捨得同豬豬say no. 如果我下下都咁心腸硬, 咪即係迫我慢慢慢慢唔錫你... ...
大家都要遷就多啲, 唔好話淨係得邊個要改. 好嗎豬豬?
愛你.

豬豬爸的精句語錄 與 豬豬的剖白

話說好耐之前, 豬豬講過他是潘氏第一代小霸王, 子鞍是第二代.

蟹宴當天, 豬豬爸看到子鞍霸著食物不放(還是爭著倒桃子酒給表姐?), 感嘆地說: 一孩政策下, 小朋友就是這樣子, OO(豬豬的真名)小時候也是.
說畢, 豬豬就從洗手間走出來, 大人的話題也巧合地轉了.

晚上跟豬豬聊電話時, 豬豬也承認這事,  然後說: 大個左咪無野囉, 我都係咁啦. (os: are you sure? 請回憶一家四口去吃印度咖喱的前因XDDD) 我好明白子鞍, 所以你唔覺我好錫佢架咩? 我細個果陣(兩歲多以前)以為生日蛋糕一定係我架, 到我發現原來其他人都會生日時, 我唔開心架.

豬, 你好可愛呀 <3 我小時候的生日概念應來自幼稚園的每月生日會, 加上我的生日在學期末, 所以早明白生日不是我的專利. 生日會是每月唯一一次穿便服的日子, 所以即使我不要主角, 也一樣期待, 一樣快樂.

不禁想像未來我們的小孩會是怎樣... 豬豬主張只生一個, 大概會是第N代小霸王了XD
愛你, 豬豬.

你的愛，你的體貼

每次待在豬豬身邊，都會有種被愛融化的感覺。

我愛你，雖然我還未學識像你那樣對另一半體貼，但我會努力，也讓你多點機會像我那樣放空。

我愛你，小豬豬。謝謝你等了我六年，再等了我二十三年。

將來生仔生女叫乜名?

豬豬話已經諗好將來生小朋友要叫乜名... 豬打算引用校名來源, 女的叫有容, 男的叫百川. 我想了想, 回話說... "你個女實好憎你...." (不過男生的名字很酷哦*w* )

這陣子豬豬因為工作不順心, 而豬豬其實不想下班後花什麼心思去想晩飯, 所以我就提議到尖沙咀去,順道可以吃上次沒吃到的餃子~ (不想花心思, 但還是會嘴刁呀-.-所以挑對餐廳很重要><) 不知道豬豬想到餃子的味道, 還是知道我的心思, 就高高興興地拖著我的手到尖沙咀去.
這天吃飯碰到很多粗聲粗氣的內地人, 豬豬的心情也不算平伏下來...直到乘車回家時, 又遇到不少吵吵鬧鬧的內地女子, 於是豬豬禁不住教我一點點面相知識,嘻嘻. 這天最高興的大概是發現豬豬喜歡吃溏心蛋, 最初店家把蛋擺到豬豬的盤子裡, 然後我告訴豬豬這是我點的, 可以一人一半分來吃, 豬豬眼裡有一絲失望XDDD 好可愛哦~ 我之後說喜歡吃可以整份拿去, 豬豬就拒絕了, 說一半就剛好啦~
餃子沒有從前在銅鑼灣的造得好吃, 主要是沾汁有點不一樣, 沒了辣油, 少了一些香氣嘛~ 而且這天發現店子好愛以牛肉作材料, 主菜裡很常見, 頓時使這家店失色不少呢!

以下是我忘了看存檔日期, 憑記憶寫下的日記, 後來發現所記之事不符合日子, 但還是我和豬豬之間的回憶, 不捨得删去,就留下來作甜點吧 :)
那天應該是六月尾? 豬豬好想吃天津飯配餃子, 於是我們上網查了查, 發現尖沙咀有分店. 可惜天津飯原來有海鮮, 餃子又因為機器壞了沒法做出來, 結果我們得點别的東西吃. 是有點失望啦, 不過珍珠炒飯好吃, 配菜的炸雞也不錯, 順勢還找到豬豬喜歡的BB沙律醬(蛋黃醬?), 而且為食的我額外點了日式溏心蛋^^ 竟然使沒有偏愛半熟蛋的豬豬喜歡這小點心~ 嘻嘻.

後記: 貪睡的我當天只寫了重點字眼就跑去睡, 以為憑幾個字就可以寫出當時的心情呢....

對話

豬: 修行其實係福分黎既.
我: 我明白, 只係有時候我都想同你做啲凡夫俗子會做既野, 比如係電梯度盡情地錫錫錫錫.
豬: 其實你有冇諗過我既感受架......

刺蝟小豬

今天豬豬雖然累極, 但還是帶我去尖沙咀吃期待已久的triple head fire沾醬麵. (哈哈, 口齒不清的我, 讓豬豬聽錯了名字xddd) 本來以為豬豬會大OT呀~ 不過豬豬說今天沒精神撐太晚... ... 所以準時下班了.
雖然是第一回吃沾麵, 但熱湯不夠熱, 有點失色, 不過溏心蛋很好吃(拇指). 有機會希望跟豬豬到深水埗那邊再吃一次沾麵, 比較比較^^
大概豬豬最近在公司有太大壓力吧, 豬豬把我們聊天的對話放上網, 換來不少朋友酸, 而且是看得懂才酸我們, 當時我覺得好幸福呀, 原來在我眼中亮點是豬豬的回話很寸很可愛, 在別人眼中卻看到我被豬豬寵壞了, 嘻. 不過豬豬看了留言反而變了刺蝟, 讓我好擔心. 到底豬豬心裡埋藏了多少壓力不讓我知道? 雖然對豬豬平日所思所想, 有時候我覺得自己大概都抓到他的思路, 但對於如何開解豬豬, 以及豬豬有多煩惱, 還是不夠瞭解呀... ...

豬豬後來告訴我, 在表妹面前我表現出長輩的樣子, 臉一轉去豬豬那邊就變了小孩, 還是完全放棄智慧那種程度-.- 哼~ 找天換我當大人, 你當小孩, 你就明白有多享受有多幸福了~
好嗎? 讓你完全放下目前的煩惱, 簡簡單單的, 讓我當一下大人, 帶著你走~ 我愛你.

os: 點解你會知既?

今日豬豬累極, 呻左幾句公事, 然後我又問問問, 結果豬豬仔忍唔住發我脾氣, 然後即時say哂sorry.
我明白豬豬太累, 又受了氣, 而我也實實在在不懂得替豬豬分憂, 所以我一點都沒介意. 於是豬豬問我, 為什麼會這樣好呀? 係咪仲有缺點未發現咋?
我向豬豬自首, 招認說, "是的, 例如很懶惰... ..." 豬豬接下去說, "我知呀, 又好似無手尾"一直說下去(掩臉)

有時候明明記得沒在豬豬面前發作的小毛病, 或是有些小事從沒跟豬豬說過, 豬豬卻一清二楚... ... 不禁懷疑, 是否我們早已相識, 而我的缺點, 性格一直沒變過, 所以豬豬很瞭解... ...
會是這樣嗎? 我們早就相遇過了無數次嗎?
謝謝讓我遇上你, 我愛你, 豬豬仔.

今天請了可愛的小矮子幫忙……

為博君一笑^^
我愛你

題目待補

最近受到豬豬朋友的影響, 迷上了看"數字量詞兵器"的日記,當中他跟女朋友的愛情故事更讓我著迷. 當然, 看得出為數不少的文章是炫耀文, 但部分也是低調看出情侶間的默契, 好sweet!

這天接了豬豬放工. 說實在的, 今天心情不大好, 睡不好所以好睏, 傷口也不舒服. 悄悄的告訴你, 其實好幾次十指緊扣時, 豬豬指間夾到了傷口, 加上豬豬走得比我快, 變相稍為拉扯到手指, 所以數次甩開豬豬的手. 寫出來不是要埋怨豬,而是我覺得豬豬這天情緒有點怪怪, 加上主動在星期五六以外的時間提出去玩, 現在回想起, 怕豬豬會誤會我在氣他, 費了心力去擔心哦^^
晩飯時, 豬豬讓我看看他與一師弟的對話, 師弟得知豬豬和師妹拍拖, 言語間很羨慕. 又, 豬豬稱呼我為小蘿莉師妹~ 實在很爽XDDDD 從前我也覺得和師兄一起是很幸福, 想不到可以實現~ 我對"師兄"的要求不低哦, 不是比我早入學的就是師兄, 值得我尊敬的才是. 豬豬就是我的師兄了, 嘻.

謝謝你累極還是拿我看漫畫, 那個多小時很專心的看, 身體的不適彷彿完全消失了. 真的, 黏著你就是幸福, 我愛你.

記一記

今天晚上，下了一場好大好大的雨。我懶醒地穿了雨鞋，卻因為太大雨而變成兩個小水池。於是我帶著兩個小水池，背著沉甸甸的電腦包，加上手部四個濕疹患處發作、因為塞車而趕不上回家吃晚飯……根本是一場災難。雖然很想得到豬豬的安慰，但實在無法騰出手去找豬豬撒嬌。說也神奇，豬豬竟然一直都沒打電話來，我想豬豬一定有事忙，或者太累了，先處理好自己的事吧。回到家，吃過飯，再整理今天的東西，然後差不多十時，豬‧豬‧終‧於‧打‧來‧！！！超感動哦～～～
因為最近電視劇終於有好看的劇集，所以這星期跟豬豬晚上的電話都是兩三分鐘的廣告位～ 哈哈。豬豬告訴我，這麼晚來打來是因為跟豬豬媽聊天。對話的大部份內容都保密呀～～　只透露了他們父子的脾氣好相似，我跟豬豬媽的也相似（暗爽），然後豬豬告訴豬豬媽，對於我成績不好的意見（唔……我已經忘了，好像是IQ的問題？），豬豬媽也表示聽到會好HURT呀！
除了因為對話有提到我所以好高興，也因為豬豬跟豬豬媽聊天～　豬豬曾說過，認識我以前，較少跟母親聊天的。感覺是我的功勞，呵呵～
後來還聊到星期六要是去看電影，該看哪一套，豬豬跟我都想遷就對方，挑對方愛的片子～　嘻，我覺得擁有坦白又為對方設想的愛情，真的很幸福^^



今天因為手剛上了藥在發麻，睡不得，但也只得食指、拇指可以打字，我想語氣會有點怪～　但我還是我哦～ 愛你.

回應：2月18日的文章－－《一些小事》

大約五個月後……
基本上，豬豬家人一到六日/公眾假期就會問豬豬，我係邊xddddd
已經幾次係豬豬屋企人面前嗌「豬豬」/跟豬豬說「我愛你」而渾然不覺
我還是一樣愛看雪櫃
更頻密出席豬豬家族聚會，嘻

新習慣：豬豬減少出街食飯，慳錢又健康！叻叻

記下的小事愈來愈多，而我亦愈來愈愛你，豬豬。

去哪裡也要在一起!

話說豬豬的工作常接觸到動漫類的東西, 而靈感絕非用之不盡, 須吸收不同資料才不會乾涸. 上次和豬豬到中央看書, 已感覺那裡的書不合用, 但買漫畫也不是長久辦法. 豬豬有不少漫畫想瞭解, 而漫畫店的書無法拆閱, 因為好奇而買, 就會佔了家裡不少空間, 萬一迷上來, 追著買就更恐怖了. 所以, 大概一星期前, 我忽然有個念頭: "和豬豬去漫畫咖啡店也不錯喔". 不過~總是忘了跟豬豬提起... ...
直到這天, 接豬豬放工, 彷彿註定了那樣--豬豬提議吃公司附近(我幸了好久的)乳酪雪糕, 大概是這家的乳酪比一般的要冷得多, 加上這天理過髪, 我的胃有點脹脹的, 不太舒服, 適時大概天氣太熱, 豬豬下了小巴後, 決定先在附近吃飯, 再慢步到遠處的遊戲商場看玩具. 進了餐館, 我突然覺得胃更不舒服, 沒啥胃口, 然後瞄到菜單有暖胃的胡椒豬肚湯, 就顧不得餐館也許不會處理內臟, 好想點這個來喝. 為什麼我會說好像是命中註定呢? 是因為我再愛這個湯, 平常也不敢點, 而這次偏偏遇上了胃部不適, 只有硬著頭皮點下去. 喝了湯, 胃部不適已經舒緩多了, 然後忽然想起漫畫咖啡店.

<我是分隔線>上次寫到這裡就睡著了.... 啊, 原來隔了這麼久沒寫(羞羞臉) <我是分隔線>

本來想邀請豬豬星期六一起玩的, 因為豬豬工作了五天, 已經很累, 實在捨不得要他熬夜陪我瘋呀. 誰料豬豬一聽到這提議, 就興奮起來, 說了好多讀書時在漫畫咖啡店的事, 又說起當時他去的那家店, 有外賣紙, 可以點東西邊吃邊看. 好擔心豬豬為了我放棄去看遊戲碟, 結果豬豬說「俾你撩起條癮」, 好想去看漫畫, 重拾當年回憶. 於是豬豬用熱切期待的眼神看著我喝下剩餘的湯, 然後拉著我到他最常逛的漫畫咖啡店去.
可是... ... 原來那家店倒了. 不知就裡的我看到豬豬臉色一沈, 就說也許是搬了呢~ 上網找找吧. (總是不識趣的我一焦急, 就更不會看時機><)猛說話的哄了豬豬一會, 豬豬才告訴我他剛才上網就看到有人說也許店倒了... ... 要我靜一下, 讓他沈澱一下... ...
看著失落的豬豬, 幫不上忙:(

豬豬冷靜後, 就和我到另一家漫畫咖啡店辦卡, 看漫畫. 因為前陣子說起輕小說的話題, 我就拿了相同題材的漫畫來看, 豬豬就拿了最近同事提起的. 我看的那套漫畫, 內頁常常有不按劇情的暴露鏡頭(噴血), 看著看著, 忍不住問豬豬為什麼會這樣色情? 豬豬笑了笑, 好可愛地說「那是給忠實讀者的福利」. (好可愛也好欠揍哦xddd)
大概十一點, 我要回家了, 就跟豬豬離開店子. 說真的, 有點興奮, 因為我已經好久好久沒看漫畫, 也沒想過去漫畫咖啡店其實很有趣, 更沒想過這是拍拖的好地方. 雖然~ 沒法空出手來偷牽豬豬, 也沒法旁若無人地親豬豬.(因為看得太投入了*羞*)

跟豬豬去過一種新地方, 很新鮮~ 希望跟豬豬一起走過更多地方~ 愛你.

IQ題

點解女朋友出街果陣要拎兩把遮?

因為佢男朋友係傻豬豬, 上次漏低自己把遮係女朋友度囉=P
嘻, 愛你

表妹放暑假 下

星期五, 當天很乖很乖地不到六點就到觀塘等豬豬放工, 然後手拉手去乘巴士到天水圍吃飯. 好笑的是豬豬到 附近的小吃店買串小食, 阿姐懶醒地問豬豬用不用買煙, 我就大笑說一下子就爆了豬豬仔的秘密=P
豬豬先是拿出新玩具來玩(新屎坑!!), 然後看太久所以我頭暈了, 扭過頭去看風景, 豬豬再多玩一會便說要小休一陣子. 因為戴了隱形眼鏡, 我不便睡覺, 就一個人靜靜地四處張望. 直到進入天水圍, 由於我太緊張, 怕錯過車站, 誤認了另一個屋苑名稱, 連忙搖醒熟睡的豬豬下車(抱頭

到了酒樓, 等待上菜的時間我們跟表妹猛聊, 舅父舅母也很歡迎我, 問問我近況, 順口提起了還在唸書, 豬豬就說我是他的師妹(嘻), 結果他們都取笑豬豬是有意回校抱個師妹回家的(羞羞臉
飯後, 温泉b睡醒了, 於是表弟, 表弟婦張羅東西, 餵飽b才離開酒樓. 温泉b因為是新生嬰兒, 邊喝奶邊睡, 十分可愛~ 表弟見我們頻呼可愛, 便重點推介(笑)温泉b掃風時更討人喜愛. 事實上, 温泉b看上去很嘆, 又像泡温泉, 又像揼骨, 不是頭一回看掃風的我, 也覺得温泉b可愛得要融化我倆了.
後來, 我們各自各離開, 表弟表弟婦先帶温泉b回家, 我跟豬豬繞了商場一圈. 沒想到抖氣時巧遇表妹和舅母, 再多聊一回, 聊到意外抱孫, 聊到表妹神神秘秘與朋友見面, 聊到舅母自己, 也聊到我倆的打算.

好像是第一次在沒有豬豬媽豬豬爸的情況下與豬豬的長輩會面, 三舅父一家算是較後期才接觸的豬豬親友, 但這半個月來, 覺得他們好親切. 豬豬很疼愛表妹s, 特別是最近跟美國表妹聊過, 希望可以多陪表妹解悶散心, 豬豬和我也早有共識, 待將來温泉b長大了, 我倆希望用不同方法協助他們教育他.

謝謝豬豬分了許多愛給我, 和你一起的日子漸久, 我開始覺得自己有點力量, 去關心去愛身邊的人. 謝謝你, 我愛你.

和豬豬的二三事之六

鬥咀^^
上次豬豬說, 要看表妹放暑假下集, 我就說, 要鬥氣, 偏先寫别的東西~ 嘻

星期三是公眾假期, 豬豬帶我在居住的社區趴趴走, 大概是公司有人生病了(總覺得豬豬公司的風水/冷氣系統有問題, 好像每星期都有人生病的樣子... ...), 加上乘車遇上沒有衛生常識的乘客, 於是出了一身汗的豬豬, 在家玩過遊戲機後, 就有點頭痛, 後來更累得剛入夜就得睡覺了.
結果因為做節而夜歸的我, 就沒法跟豬豬說個睡前電話, 於是積了一夜的話.
今天, 豬豬變得更累了: ( 吃過飯, 回到家, 我就禁不住疲勞轟炸豬豬, 把這兩天想跟豬豬分享的事通通說出來, 雖然間中內疚, 停下來問豬豬累不累, 用不用先掛線, 但善解人意的豬豬還是堅持邊打機邊跟我聊天.

隔天星期五, 豬豬就請了病假, 在家休息. 原以為豬豬會工作和到太子進修的我, 早已排了活動, 反而讓生病的豬留在家... 扭計...
扭計豬豬, 我愛你^^

表妹放暑假 上

豬豬的表妹最近從美國回來放暑假, 於是豬豬約了表妹吃飯, 又帶我一同去. (那家餐廳很有情調, 對面又是有名的拉麵店, 我看到就想帶小學同學下次來那邊, 兩個餐廳她都一定好喜歡! 嘻, 豬豬帶我地去威威~~)
還好表妹最後應約, 我們才知道她在美國過得不太好, 心裡不舒服. 雖然幫不上忙... ... 老實說, 要不是豬豬隔天得上班, 還想多陪伴表妹一下, 可惜那天是星期一>< (不過豬豬也辛苦了, 十點才送表妹乘車, 待豬豬回到家已經十二時了)
當天表妹就約我們, 在她臨出發回美時, 和她一家, 婆婆提早做節. 在我回家路上, 豬豬還說表妹想我加到她們的聊天組, 超貼心的~~~ 我覺得表妹是歡迎我, 也希望我快點融入她們. 豬豬的家人真好!
睏了, 要睡啦, 明天繼續寫. 愛你: )

試用期

豬豬過了試用期超過一個月, 可是說好了的加人工卻始終未傾, 拖下又拖, 於是豬豬每每想起此事, 都會異常煩躁. 我當然明白, 畢竟是一種肯定. 在新公司上班不久, 對豬豬而言是全新的工程, 行業, 如果能得到高層的認同, 就可以無顧慮地繼續搏殺. 另一方面, 公司也在趕進度, 高層也許是分身不暇.

面對這情況, 我不知如何是好, 忽然想到下星期會有高額彩劵, 便提議和豬豬湊錢買張. 買一張彩劵, 其實不是買一個機會, 而是買一個幻想. 決定好數字, 自然想到萬一中了奬, 奬金該怎想花?

不知道是這個方法奏效, 還是豬豬下了氣, 聊著聊著, 氣氛也似乎緩和多了. 至於彩金該怎樣花? 我只想支一點來付餘下的學費, 也支一點來添新衣, 然後留一點來準備他日到外地升學. 剩下的都讓豬豬決定好了. 還好有豬豬在身邊 : ) 愛你.

喝喜酒

豬豬表弟前陣子奉子成婚, 待嬰兒雙滿月才擺喜酒. 雖然正值考試期間, 不過我還是跟豬豬喝喜酒去~
當天稍為温習過, 就到太子找豬豬. 本來豬豬只是找朋友聊聊天, 沒想到待我來到太子還沒聊完, 就著我去找他, 順道介紹朋友我認識.
(後來我才知道那位是豬豬的3rd... ...  == 當下的感覺是: 幸好有戴下con不致太失禮豬仔 T^T 要知道女生在男朋友的前度面前是超超超要臉的)

豬豬的朋友對我好nice, 又喚我做嫂嫂, 又讚我好可愛(羞) 也聊得滿愉快的. 感覺有點像集郵那樣, 慢慢儲起和豬豬朋友見面的回憶: 師兄那些比較雅俗皆宜(大笑), 社運那些就很親切很街坊, 中大的很有理想, 也相對憤世嫉俗, 其他無法歸類的朋友就一般都很有氣質, 感覺很親切舒服, 這位朋友屬於這類型. 雖然氣氛帶點古怪, 豬豬從沒對女生這樣温柔... ...是串人都串得好留手! 待後來豬豬告訴我那位是傳說中的3rd以後, 謎底也就解開了!
見了面反而更安心, 比萬聖節那時, 只知道his 3rd半開玩笑埋怨豬豬當年怎樣對待她, 感覺更踏實了. 我想, 你最初沒告訴我, 讓我倆自然相處, 也是好事, 謝謝豬豬~
(當然, 腦袋還是會亂想, 比如其他前度是怎樣的, 比如...我跟his 3rd性格處事方法應該是截然不同~ 好奇豬豬的喜好, 以及對我的想法....)

時間差不多, 就跟豬豬去酒樓簽到, 然後買小玩具給bb~ (買了一歲半用的~ 豬豬還緊張地問店員那玩具能否給bb玩, 店員笑說bb應該沒法把積木吞下去XDDDD) 然後回到場地, 跟豬豬一家和bb合照 >///< 又跟豬豬的表妹猛聊~ 好愉快好有一家人的感覺, 好像... ... 大家都當作我跟豬豬姓了(羞
也被表弟妹笑我倆好閃~~

雖然吃得很晚才散場, 且隔天考四大天王之一, 不過送我搭車前, 豬豬温柔地拖著我手, 謝謝我當天陪他, 我突然覺得好感動, 也就想起最初為什麼很期待這頓飯~

嘻~ 愛你呀豬豬

點點滴滴

在過江龍書店聽到疑似溝女對話, 豬豬笑說可成為他某系列的文字, 於是我問豬豬, 為什麼這系列以溝女的對話佔大多數? 豬豬回話說: 因為人溝女果陣係最傻的媽
(豬豬最好你幫我補返啦.... 與你原文有出入... 味道大減)

原本我叫豬豬仔當後記咁補返呢筆,豬豬話會出書先寫. 不過後來我諗.... 應該豬豬會俾朋友用呢句說話笑返佢. XDDD

謝謝豬豬的忍耐

五月底考試, 不到五月就知道自己的時間表有點趕, 看來是沒法好好準備每一科, 壓力加上睡眠不足, 脾氣好暴躁. 又因為每天都過得好焦慮, 惶恐自己帶漏了什麼, 結果跟豬豬見面時往往都是下午兩三點. 豬豬就一直忍耐著, 忍耐著我的壞脾氣, 忍耐晚點見晚點走晚點回家晚點睡的日子, 一個月.

謝謝親愛的你(親

還有在我臨考前數天, 拼命找朋友吃飯, 我暗暗覺得奇怪:豬豬居然連續幾天找朋友吃飯, 不會說很累嗎? 後來知道傻瓜豬怕放工後找我聊太多會減少了時間温習, 所以自己找朋友解解悶, 我覺得好甜好甜~ 辛苦你了, 豬豬*3*

偷來的周末,難得可以見豬豬~ 本來考試後的星期四, 豬豬已經說過很久沒看過我放鬆的樣子, 周末也就更高興了~
周末的豬豬, 也很放鬆, 喝過茶後說要到中央圖書館看書~ 結果看了一會, 我倆餓了, 便到心儀已久的小店子吃晚飯~ 又在附近吃糖水, 過後, 就到日本書屋看書, 然後到過江龍書店看~ 可以說, 上半段是豬豬陪我的比較多, 下半段就換回來嚕, 嘻嘻.
豬豬看到喜歡的書時, 即使在很安靜的書屋也禁不住歡呼~ 超可愛(羞

今天第一次跟豬豬喝茶, 也是第一次到圖書館看書(第一次去圖書館是做冬那天在九龍借電腦啦), 多了一點點的回憶, 好快樂~

P.S. 雖然回家路上, 發現當天有球賽, 豬豬看著盡興的(醉)觀眾就覺得扼腕, 說錯過了, 但我猜至少你不會覺得這天白白浪費了^^ 愛你~

無題

豬豬，我要同您健健康康活到老架，唔準掉抵我一個，知嗎？

愛您

失眠夜

今天跟好朋友去試妝, 大概是第一次親眼看朋友試妝, 加上聊了很多, 所以興奮得無法入睡. (相信五點前都會繼續眼光光)

第一次跟好朋友的未婚夫相處, 原來也可以(算是)很自然很輕鬆. 希望有天你也可以和我的好朋友和諧共處, 或者未來, 我們的聚會會帶著丈夫, 西孩出席. 想想都覺興奮: )

也有聊豬豬的事, 一點點啦, 譬如你家人很疼我. 想念你, 我愛你.

厚顏系列之你煮,我們吃 二

過幾天就是我和豬豬相見滿半周年了. 想起來, 也好久沒更新厚顏系列, 就趁小的還有印象, 趕快(?)寫一寫: )

豬豬第二回煮的, 是熱狗. 為什麼要煮這道菜呢? 其實是有段故事的~

話說, 當初認識豬豬不久, 我曾表示香腸跟火腿是同類的東西, 氣得非常愛吃香腸的豬豬說, 要改天煮熱狗給我吃, 好讓我了解好吃的香腸絕不能跟火腿比. 那時我就想: 騙誰呀, 改天~ 是的會煮嗎? 好了, 要是真的下廚, 那會是騙女孩去你家吧... ...
結果, 一齊以後, 豬豬真的煮了熱狗給我吃. 吃過以後, 真的對香腸, 對熱狗尊敬起來~ 原來香腸衣可以薄薄的脆脆的, 吃起來完全不費勁. 腸肉混了芝士, 讓香腸有肉汁之餘, 還有芝士的香. 當然, 之前跟之後, 豬豬帶過我去不同的熱狗店吃過, 多少有了比較.
而在豬豬家吃, 才發現薯片可以伴熱狗, 當正餐吃! 我一直都覺得那只是零食@@
但要數最最最有驚喜的, 就是豬豬猜到我愛喝哪牌的汽水!!!! 當時我從沒說過, 而豬豬早猜到了還偷偷買回來. 那一刻好感動, 禁不住拍了一張照片. (那照片還害我被豬豬誤以為我是亂亂拍的香港女生-.-)

豬豬愛吃熱狗, 不論是說以前吃熱狗的事, 還是對香腸的評價, 那一臉認低威的樣子都很迷人. 原來愛上會下廚的男人是這樣幸福的 <3

和豬豬的二三事之五 (27 March)

又偷懶了好幾天~ 嘻嘻

豬豬爸和豬豬媽快要旅行. 出發前一天, 我正好去攬豬豬, 也就難得地見到豬豬爸很早就起了床. 這天我們就各自活動, 豬豬早早起來買炒麵吃, 我就因為吃了藥所以沒什麼胃口, 跟豬豬待在家裡, 豬豬爸就和豬豬媽下樓吃午餐去.
整天就跟豬豬攬攬親親, 然後拿了豬豬的小玩具玩轉豬豬. 後來豬豬爸媽回來, (還抱了好幾個鍋子回來, 哈哈), 問我要不要一塊到泰國菜館吃晚飯, 我知道豬豬不大喜歡, 但我其實很想跟豬豬爸媽多親近一點, 因為明天就要出發了, 而且豬豬媽上次念過豬豬不一塊吃泰國菜~
我都忘了次序是怎樣=P 只記得, 後來我和豬豬到街市買燒賣回家配新辣椒油吃, 然後豬豬媽就說我們怎麼吃飯前還買小食吃xdddd
最後不爽的豬豬讓了步, 說要豬豬爸媽早點出去吃飯, 不要拖太晚, 然後想到泰國菜館旁的印度餐廳吃飯, 終於一家人去吃飯 <3
哈哈, 小霸王豬豬就說了一句不如吃印度菜, 結果他後來再說了兩遍隨父母喜歡吃哪家, 他們還是順豬豬意, 吃印度菜.
小插曲是豬豬自以為父母到了餐廳, 斯斯然抽兩根才過行人天橋, 結果給豬豬爸媽撞過正著XDDDD 豬豬當下的反應~超~可~愛~ (然後很擔心豬豬爸豬豬媽以為我也抽的.......)
晚餐就見識了豬豬一家有多愛拍照, 哈哈, 超可愛, 所以他們的手機記憶體吃得很好.
吃過晚餐, 回豬豬家抱了筆記便回家去.

*明明豬豬家是豬豬爸做飯的, 但豬豬爸會問豬豬媽點開鑊. 想不通, 但好可愛, 嘻嘻.

P.S. 寫於三月二十七日, 不知道是沒寫完就有事忙, 還是寫到一半睡著... ... 結果沒送出文章~ 要是有缺漏再補上哦~